Né ≠nísasib di xun  ge ra ||gui!áhe  úbéhe ||kha xun  hîa !haosi ||gâi≠uisensa ra ||gauna xawe !ûi!gâhesa  ≠hâba hâna. Né xún ge archaeological artifasctsan, palaentological tsí !gomse ra hóhé hiodi xun, meteorites  tsî ||nás khao!gâ |nî xun hîa !haosi ≠úsiga ra ||gauna.

≠Nísasib xún ge khoen di aitsama |hûkhoesibahe tamas kai o a |hûhâsib di tsîn ge ||îna omdi, meseumdi, kerkhegu, skolgu, ≠hanub ||gâugu tsî |gapi ||khá||khásen !khaigu ai a hósa.!Nása xún ge ra kuruhe |guriha ≠âibasendi !aroma ai||gause stulsa ≠nûs !aroma,||adanina ||khaubasens !gao, aitsama kurusa xún tamas ka io îxaîxa xúna ommdi !gao. |Nîn ge ra ≠gomhé hoa!nâ-aixa tsî !hao!nâsi ≠âibasendi tamas ka io khora≠uisa ||uib tsî ≠an≠uis Namibiab dib ase.

Né xún ge ≠âibasende ra kuru ≠ants kara  o , mati tsî tare-i !aroman ge kuruhes, tarin ge re sîsenús tsî matin ge 1970||î kurib !nâ UNESCO’s |haos !nâ ≠âibasensa.||Khaes tsî sâus mâ-amsa tama ||ama≠harugus tsî xún di !ereamxasiba ús hîa Hôasoreb 2003||î kurib dis ai ge re !hoa≠amhesa.Né |gaugu ge ra tsâ|kha khoen  tsî |haohâsigu !nân ga né ≠nísasib xuna hâs tamas ka  io khoen di aitsama  |hûkhoebahena xawen ge ||îna !â-e ra  |huru !haosi ||uib ase.

Mâ!oas ≠hanu-o!nâ ||ama≠harugus ≠nísasib xun dis

|≠Hanu-o!nâ ||ama≠harugus gera ≠âibasen mâ-amhe tama ≠nísasib xún hîa  Namibiaba xú  ra ≠oa tsî ≠gâxan  ti.Né ≠harugu|gauga !kham!oas ge Namibiab !nâ ra ≠gâxa xún hîa mâ-amsa tamase ra ||amaxúhena ||khaesa. Né ra saodi ge |haodi tsî ||îdi ≠gai≠made.

1970||î UNESCO |haos di ≠âibasens ge ||khaes tsî ||khaubas mâ-amsa tamase ||amaxúdi ≠gâ tsî ra ≠oa xún , |hûkhoebahe !hao!nasi xúna Hôasoreb 2003||î kuri. Tsî 1995||î kuri UNIDROIT |haos hîa !narisa tamas kai o ||gau-o!nâse ra ||ama xú-e !augab !húgu ||ga !haosi ≠usib xún.

!Augab !húsi |awa!namgu !nans (interpol) di ôa!nâdi  ge ≠nísasib xún |kha |hao hâ ≠hanu-o!nâse ||amaxus tsî !naris |kha dí xú xa.!Nurigu hîa xún meseumde xú ra !narihen di gu ge NAHRIS tawa !núrihe toa tsî |awa!namgu béros tawa !nurib !gôas |kha hó-e ||kha. |Haohâb ge ra ≠gao≠gao!nâhe néti-i !haosi ≠nísasib xún di !naris !oagu NHC’sa ≠an≠ansa tamas ka io NAHRIS tsî |awa!namgu ai !nurisa.